ТОШКЕНТ, 29 июн — Sputnik. Эронда бир неча ой ичида бойитилган уран ишлаб чиқаришни тиклаш имконияти бор. Бу ҳақда Халқаро атом энергияси агентлиги (МАГАТЭ) бош директори Рафаэль Гросси Американинг CBS телеканалига берган интервьюсида маълум қилди, деб ёзмоқда РИА Новости.
"Улар бир неча ой ичида ёки ундан камроқ вақт ичида... айланадиган ва бойитилган уран ишлаб чиқарадиган бир неча центрифуга каскадларини олишлари мумкин... Ҳаммаси ғойиб бўлди ва у ерда ҳеч нарса йўқ деб тасдиқлаб бўлмайди", — деди у.
Агентлик бош директорининг сўзларига кўра, Эронда бойитилган уран ишлаб чиқариш учун саноат ва технологик имкониятлар бор.
Шу муносабат билан Гросси яна бир бор музокаралар столига қайтишга ва мамлакат ядровий дастури билан боғлиқ муаммонинг техник жиҳатдан асосланган ечимини топишга чақирди ва ҳозир бунинг учун имконият борлигини таъкидлади.
Қуйидагилар маълум:
Шанба куни Эрон парламенти витсц-спикери Теҳрон МАГАТЭ раҳбарининг мамлакат ядровий объектларида бўлишига ва у ерда камералар ўрнатишига бошқа рухсат бермаслигини маълум қилди.
Эрон ташқи ишлар вазири Аббос Ароқчининг таъкидлашича, Гроссининг мамлакат ядровий дастурининг зарбага учраган объектларини кўздан кечириш истаги маъносиз ва ёвуз ниятга эга бўлиши мумкин.
Эрон парламенти Ислом Республикасининг МАГАТЭ билан ҳамкорлигини тўхтатиш тўғрисида қарор қабул қилди.
Таъкидланишича, МАГАТЭ бош директори ўн йил олдин агентлик "барча муаммолар ҳал қилинганини" расман эълон қилгани ҳақидаги маълумотни яширишда роль ўйнаган.
Пайшанба куни парламент спикери МАГАТЭни Исроилнинг "ҳимоячиси ва хизматкори" деб атади. Унинг сўзларига кўра, Эрон ядровий объектлари хавфсизлиги таъминланмагунча агентлик билан ҳамкорлик қилиш мумкин эмас.