TOШКЕНТ, 23 июн — Sputnik. Президент Владимир Путин Кремлда Эрон ташқи ишлар вазири Аббос Ароқчи билан учрашиб, Яқин Шарқдаги можаронинг кескинлашувини муҳокама қилди.
Россия раҳбарининг асосий баёнотлари:
Москванинг Эрон ва Исроил ўртасида содир бўлаётган воқеалар бўйича позицияси яхши маълум, у Россия ташқи ишлар вазирлиги томонидан баён этилган.
Эронга нисбатан сабабсиз тажовуз ҳеч қандай асос ва оқлашга эга эмас.
Ислом республикаси ТИВ раҳбарининг Россияга ташрифи юзага келган вазиятдан қандай чиқиб кетиш мумкинлигини муҳокама қилиш ва ўйлаш имконини беради.
"Биз Эрон билан узоқ йиллик, яхши, ишончли муносабатларга эгамиз. Биз ўз томонимиздан Эрон халқига ёрдам бериш учун саъй-ҳаракатларни амалга оширмоқдамиз", — деди Путин.
Путин Эрон раҳбариятига энг эзгу тилакларини етказди.
Эрон ТИВ раҳбарининг баёнотлари:
Исроил ва АҚШнинг Эронга ҳужумлари туфайли Яқин Шарқдаги кескинлик кучаймоқда
Теҳрон Тел-Авив ва Вашингтоннинг ҳаракатларини ноқонуний деб ҳисоблайди, Ислом Республикаси қонуний ҳимоя ҳуқуқига эга.
Россия ва Эрон барча йўналишларда, айниқса, жаҳон хавфсизлиги масалалари бўйича доимий маслаҳатлашувлар олиб бормоқда.
Теҳрон Исроил ва АҚШнинг Эронга нисбатан ҳаракатларини қоралагани учун Москвадан миннатдор.
"Биз, шунингдек, бу ҳаракатларни кескин қоралагани учун Россияга миннатдорчилик билдирмоқчимиз. Россия бугунги кунда тарих ва халқаро ҳуқуқнинг тўғри томонида. Эроннинг олий раҳбари (Али Хоманаий. - Таҳр.) ва Эрон президенти жаноб Пезешкиён сизга энг эзгу тилакларини етказишни сўрашди", — деди Ароқчи.