Россиянинг Ўзбекистондаги элчиси Олег Мальгинов дипломатик миссиясини якунламоқда

10:01, 10 Июн 2025
© Посольство Российской Федерации в Республике Узбекистан
Олег Мальгинов: мен бундан кейин ҳам Россия-Ўзбекистон муносабатларини ривожлантиришни қўллаб-қувватлайман.
Sputnik
TOШКЕНТ, 10 июн — Sputnik. Россиянинг Ўзбекистондаги элчиси Олег Мальгинов дипломатик миссиясини якунламоқда. Бу ҳақда у Россия кунига бағишланган нутқида айтиб ўтди.
Элчихонада асосий миллий байрам – Россия куни муносабати билан тантанали зиёфат ташкил этилди. Тадбирда Ўзбекистон бош вазирининг ўринбосари Жамшид Қўчқоров, Ташқи ишлар вазири ўринбосари Ғайрат Фазилов, республиканинг бошқа вазирлик ва идоралари, Тошкент шаҳридаги дипломатик корпус вакиллари иштирок этди.
В Посольстве состоялся торжественный прием по случаю главного государственного праздника - Дня России.
© Посольство Российской Федерации в Республике Узбекистан
"Миллионлик ватандошларимиз тинч-тотув ва аҳил-иноқ яшаётган меҳмондўст ўзбек заминида Россия кунини бешинчи бор нишонлаш мен учун катта шарафдир. Улар нафақат республика гуллаб-яшнашига ўз ҳиссасини қўшмоқда, балки халқларимиз мамлакатларимиздаги кўп асрлик дўстлик ришталарини мустаҳкамлашга хизмат қилмоқда", — деди Олег Мальгинов.
У ўз сўзида элчи сифатидаги фаолияти ниҳоясига етаётганини айтиб ўтди.
В Посольстве состоялся торжественный прием по случаю главного государственного праздника - Дня России.
© Посольство Российской Федерации в Республике Узбекистан

"Ўзбекистон Республикаси президенти Шавкат Миромонович Мирзиёевдан, Ўзбекистон ҳукуматидан, Ўзбекистон Ташқи ишлар вазирлигидан, ватандошлар, бутун Ўзбекистон халқи, элчихона ходимлари ва турмуш ўртоғимдан жуда миннатдорман", — дея қўшимча қилди Россия элчиси.

У, шунингдек, "мен бу ерда кўплаб дўстлар қолдирдим, улар билан яна учрашамиз. Ўз навбатида, мен бундан кейин ҳам Россия-Ўзбекистон муносабатларини ривожлантиришни қўллаб-қувватлайман", дея қайд этди.

"Бугун Россия ва Ўзбекистон ўртасидаги муносабатлар халқаро ҳуқуқ, суверенитетни ҳурмат қилиш, қарорлар қабул қилишда мустақиллик ва бир-бирининг манфаатларини ҳисобга олиш тамойилларига асосланган ана шундай ўзаро манфаатли шерикликнинг ёрқин намунаси эканлиги қувонарлидир. Ғарбнинг мамлакатларимиз ўртасида низо уруғини экишга, халқларимизни бўлиб ташлашга бўлган ўта такаллуфсиз уринишларига қарамай, биз иғволарга учмаймиз ва президентларимиз томонидан сиёсат ва иқтисодиётдан тортиб энергетика, таълим, фан ва маданиятгача бўлган муҳим соҳаларда кўп босқичли ҳамкорликни ривожлантириш бўйича белгилаб берилган йўналишга амал қилишда давом этамиз”, — дея қайд этди Олег Мальгинов тадбирда.

Унинг айтишича, икки мамлакат турли кўп томонлама платформаларда, жумладан, БМТ, ШҲТ, МДҲ ва ЕОИИда яқиндан ҳамкорлик қилмоқда.
В Посольстве состоялся торжественный прием по случаю главного государственного праздника - Дня России.
© Посольство Российской Федерации в Республике Узбекистан
"Биз БМТ, ЕХҲТ, ШҲТ ва бошқа халқаро ташкилотларда яқин, кўпинча бир-бирига мос келадиган позициялардан туриб гаплашамиз. Москва Тошкентнинг МДҲдаги интеграция жараёнларида, шунингдек, ЕОИИда кузатувчи сифатида фаол иштирок этишини олқишлайди. Шу ўринда алоҳида таъкидлашни истардимки, Ўзбекистон шунчаки “кузатиб” эмас, балки ишда фаол иштирок этиб, бирлашиш кун тартибига ўзининг конструктив ҳиссасини қўшмоқда", — деди Мальгинов.
У ўз сўзида Ўзбекистон ҳам Евроосиё қитъасида ўзаро манфаатли тенг ҳуқуқли ҳамкорлик ва ривожланиш асосларини шакллантиришнинг фаол иштирокчисига айланишини қайд этди.
Эслатиб ўтамиз, 2021 йил 5 март куни Россия президенти Владимир Путин фармонига мувофиқ, Олег Мальгинов мамлакатнинг Ўзбекистондаги янги элчиси этиб тайинланган эди.
СиёсатЎзбекистонРоссияэлчиЭлчихонаОлег Мальгинов