https://sputniknews.uz/20250610/rossiya-ozbekiston-elchi-oleg-malginov-diplomat-missiya-yakun-49815440.html
Россиянинг Ўзбекистондаги элчиси Олег Мальгинов дипломатик миссиясини якунламоқда
Россиянинг Ўзбекистондаги элчиси Олег Мальгинов дипломатик миссиясини якунламоқда
Sputnik Ўзбекистон
Элчихонада асосий миллий байрам – Россия куни муносабати билан тантанали зиёфат ташкил этилди. Тадбирда Ўзбекистон бош вазирининг ўринбосари Жамшид Қўчқоров иштирок этди.
2025-06-10T10:01+0500
2025-06-10T10:01+0500
2025-06-10T10:53+0500
сиёсат
ўзбекистон
россия
элчи
элчихона
олег мальгинов
https://cdn1.img.sputniknews.uz/img/07e9/06/0a/49814809_0:72:769:505_1920x0_80_0_0_60a9ae353cbed8cf5928c00e7c96954f.png
TOШКЕНТ, 10 июн — Sputnik. Россиянинг Ўзбекистондаги элчиси Олег Мальгинов дипломатик миссиясини якунламоқда. Бу ҳақда у Россия кунига бағишланган нутқида айтиб ўтди.Элчихонада асосий миллий байрам – Россия куни муносабати билан тантанали зиёфат ташкил этилди. Тадбирда Ўзбекистон бош вазирининг ўринбосари Жамшид Қўчқоров, Ташқи ишлар вазири ўринбосари Ғайрат Фазилов, республиканинг бошқа вазирлик ва идоралари, Тошкент шаҳридаги дипломатик корпус вакиллари иштирок этди. У ўз сўзида элчи сифатидаги фаолияти ниҳоясига етаётганини айтиб ўтди.У, шунингдек, "мен бу ерда кўплаб дўстлар қолдирдим, улар билан яна учрашамиз. Ўз навбатида, мен бундан кейин ҳам Россия-Ўзбекистон муносабатларини ривожлантиришни қўллаб-қувватлайман", дея қайд этди.Унинг айтишича, икки мамлакат турли кўп томонлама платформаларда, жумладан, БМТ, ШҲТ, МДҲ ва ЕОИИда яқиндан ҳамкорлик қилмоқда. У ўз сўзида Ўзбекистон ҳам Евроосиё қитъасида ўзаро манфаатли тенг ҳуқуқли ҳамкорлик ва ривожланиш асосларини шакллантиришнинг фаол иштирокчисига айланишини қайд этди.Эслатиб ўтамиз, 2021 йил 5 март куни Россия президенти Владимир Путин фармонига мувофиқ, Олег Мальгинов мамлакатнинг Ўзбекистондаги янги элчиси этиб тайинланган эди.
ўзбекистон
Sputnik Ўзбекистон
info@sputniknews-uz.com
+74956456601
MIA „Rossiya Segodnya“
2025
Sputnik Ўзбекистон
info@sputniknews-uz.com
+74956456601
MIA „Rossiya Segodnya“
Янгиликлар
uz_UZ
Sputnik Ўзбекистон
info@sputniknews-uz.com
+74956456601
MIA „Rossiya Segodnya“
Sputnik Ўзбекистон
info@sputniknews-uz.com
+74956456601
MIA „Rossiya Segodnya“
олег мальгинов дипломатик миссия россия куни
олег мальгинов дипломатик миссия россия куни
Россиянинг Ўзбекистондаги элчиси Олег Мальгинов дипломатик миссиясини якунламоқда
10:01 10.06.2025 (янгиланди: 10:53 10.06.2025) Олег Мальгинов: мен бундан кейин ҳам Россия-Ўзбекистон муносабатларини ривожлантиришни қўллаб-қувватлайман.
TOШКЕНТ, 10 июн — Sputnik. Россиянинг Ўзбекистондаги элчиси Олег Мальгинов дипломатик миссиясини якунламоқда. Бу ҳақда у Россия кунига бағишланган нутқида айтиб ўтди.
Элчихонада асосий миллий байрам – Россия куни муносабати билан тантанали зиёфат ташкил этилди. Тадбирда Ўзбекистон бош вазирининг ўринбосари Жамшид Қўчқоров, Ташқи ишлар вазири ўринбосари Ғайрат Фазилов, республиканинг бошқа вазирлик ва идоралари, Тошкент шаҳридаги дипломатик корпус вакиллари иштирок этди.
"Миллионлик ватандошларимиз тинч-тотув ва аҳил-иноқ яшаётган меҳмондўст ўзбек заминида Россия кунини бешинчи бор нишонлаш мен учун катта шарафдир. Улар нафақат республика гуллаб-яшнашига ўз ҳиссасини қўшмоқда, балки халқларимиз мамлакатларимиздаги кўп асрлик дўстлик ришталарини мустаҳкамлашга хизмат қилмоқда", — деди Олег Мальгинов.
У ўз сўзида элчи сифатидаги фаолияти ниҳоясига етаётганини айтиб ўтди.
"Ўзбекистон Республикаси президенти Шавкат Миромонович Мирзиёевдан, Ўзбекистон ҳукуматидан, Ўзбекистон Ташқи ишлар вазирлигидан, ватандошлар, бутун Ўзбекистон халқи, элчихона ходимлари ва турмуш ўртоғимдан жуда миннатдорман", — дея қўшимча қилди Россия элчиси.
У, шунингдек, "мен бу ерда кўплаб дўстлар қолдирдим, улар билан яна учрашамиз. Ўз навбатида, мен бундан кейин ҳам Россия-Ўзбекистон муносабатларини ривожлантиришни қўллаб-қувватлайман", дея қайд этди.
"Бугун Россия ва Ўзбекистон ўртасидаги муносабатлар халқаро ҳуқуқ, суверенитетни ҳурмат қилиш, қарорлар қабул қилишда мустақиллик ва бир-бирининг манфаатларини ҳисобга олиш тамойилларига асосланган ана шундай ўзаро манфаатли шерикликнинг ёрқин намунаси эканлиги қувонарлидир. Ғарбнинг мамлакатларимиз ўртасида низо уруғини экишга, халқларимизни бўлиб ташлашга бўлган ўта такаллуфсиз уринишларига қарамай, биз иғволарга учмаймиз ва президентларимиз томонидан сиёсат ва иқтисодиётдан тортиб энергетика, таълим, фан ва маданиятгача бўлган муҳим соҳаларда кўп босқичли ҳамкорликни ривожлантириш бўйича белгилаб берилган йўналишга амал қилишда давом этамиз”, — дея қайд этди Олег Мальгинов тадбирда.
Унинг айтишича, икки мамлакат турли кўп томонлама платформаларда, жумладан, БМТ, ШҲТ, МДҲ ва ЕОИИда яқиндан ҳамкорлик қилмоқда.
"Биз БМТ, ЕХҲТ, ШҲТ ва бошқа халқаро ташкилотларда яқин, кўпинча бир-бирига мос келадиган позициялардан туриб гаплашамиз. Москва Тошкентнинг МДҲдаги интеграция жараёнларида, шунингдек, ЕОИИда кузатувчи сифатида фаол иштирок этишини олқишлайди. Шу ўринда алоҳида таъкидлашни истардимки, Ўзбекистон шунчаки “кузатиб” эмас, балки ишда фаол иштирок этиб, бирлашиш кун тартибига ўзининг конструктив ҳиссасини қўшмоқда", — деди Мальгинов.
У ўз сўзида Ўзбекистон ҳам Евроосиё қитъасида ўзаро манфаатли тенг ҳуқуқли ҳамкорлик ва ривожланиш асосларини шакллантиришнинг фаол иштирокчисига айланишини қайд этди.
Эслатиб ўтамиз, 2021 йил 5 март куни Россия президенти Владимир Путин фармонига мувофиқ, Олег Мальгинов мамлакатнинг Ўзбекистондаги янги элчиси этиб
тайинланган эди.
