ТОШКЕНТ, 8 июн — Sputnik. "Марказ" гуруҳи ДХРнинг ғарбий чегарасига чиқди ва Днепропетровск вилояти ҳудудида ҳужумни давом эттирмоқда, деб хабар берди Россия Мудофаа вазирлиги.
Қайд этилишича, "Марказ" қўшинлари гуруҳининг 90-танк дивизияси бўлинмалари Донецк Халқ Республикасининг ғарбий чегарасига чиқди ва Днепропетровск вилояти ҳудудида ҳужумни ривожлантиришда давом этмоқда.
“Жангчилар ДХРнинг Димитров, Красноармейск, Петровский, Новоторецкий, Новопавловка, Новониколаевка, Алексеевка, Новоукраинка ва Новосергеевка ҳудудларида 13 та Украина бригадаси тузилмаларига зарба беришди”, — дейилади хабарда.
Душманнинг йўқотишлари:
530 нафаргача ҳарбий хизматчи;
пиёда аскарларнинг жанговар машинаси;
АҚШда ишлаб чиқарилган М113 зирҳли транспорт;
еттита зирҳли жанговар машина;
тўртта автомобиль;
ўнта артиллерия қуроллари, жумладан, Америкада ишлаб чиқарилган 155 мм Paladin ва Францияда ишлаб чиқарилган 155 мм Caesar артиллерия қуроллари.
Шунингдек, "Марказ" жангчилари Украина Қуролли кучларининг ўқ-дорилар омборини йўқ қилди.