TOШКЕНТ, 3 июн — Sputnik. Туркия президенти Режеп Таййип Эрдоғаннинг Украинадаги можарони ҳал қилиш бўйича етакчилар учрашувига тайёргарлик кўриш ташаббуси анъанавий "телефон дипломатияси," жумладан, Россия етакчиси Владимир Путин билан тайёргарликни назарда тутади. Бу ҳақда РИА Новостига Туркия раҳбари маъмурияти хабар берди.
Туркия етакчиси душанба куни АҚШ президенти Дональд Трамп, Россия Федерацияси президенти Владимир Путин ва Владимир Зеленскийнинг Туркияда учрашишига умид қилаётганини айтди.
Унинг сўзларига кўра, Туркия душанба куни Истанбулда бўлиб ўтган музокаралардан сўнг бу йўналишда тегишли қадамларни қўяди.
"Туркия президентининг анъанавий "телефон дипломатияси" дунёдаги инқирозларни ҳал қилишга ёрдам берди. Шу муносабат билан у жаноб президент (Режеп Таййип Эрдоған - таҳр.) ташаббуси билан Туркия, Россия Федерацияси, АҚШ ва Украинанинг саммитига тайёргарлик кўриш жараёнида ҳам ўзини намоён қилади, деб тахмин қилиш мумкин", — деди агентлик суҳбатдоши.
Душанба куни Истанбулда Россия ва Украина ўртасидаги музокараларнинг иккинчи раунди бўлиб ўтди, у бир соатдан кўпроқ давом этди.