TOШКЕНТ, 21 май — Sputnik. "Москва энергетика институти" (МЭИ) миллий тадқиқот университетининг Тошкент филиалида "Ўзбекистон учун энергетика соҳасида юқори малакали кадрлар тайёрлаш" мавзусида конференция бўлиб ўтди, дея хабар берди Sputnik Ўзбекистон мухбири.
Тадбирда олий таълим, фан ва инновациялар, шунингдек, энергетика вазирликлари, тармоқ корхоналари, бош олий таълим муассасаси, Тошкент давлат техника университети ва бошқа ташкилотлар вакиллари иштирок этди.
Конференция в НИУ МЭИ
© Sputnik / Александра Терехина
Унда Ўзбекистон олий таълим, фан ва инновациялар вазирининг биринчи ўринбосари Шоҳрух Далиев сўзга чиқди. Унинг қайд этишича, ўтган йили президенти Шавкат Мирзиёев "таълим - фан - ишлаб чиқариш - корхона" тамойили асосида республика муҳандислик-саноат тармоқлари учун амалиётчи мутахассислар тайёрлаш бўйича стратегик кўрсатма берган эди.
Конференция в НИУ МЭИ
© Sputnik / Александра Терехина
"Ўзбекистоннинг бугун бу ерда йиғилган энергоблоки, барча раҳбарлар айнан шундай кадрлар тайёрлаш амалий занжиридан манфаатдор деб ҳисоблайман. Биламизки, Ўзбекистоннинг 2020-2030 йилларга мўлжалланган ёқилғи-энергетика таъминоти стратегиясида ушбу сегментдаги саноат блокини тезда трансформация қилиш кўзда тутилган ва биз уни кадрлар билан таъминлашимиз керак", — деди у.
Энергетика вазири ўринбосари Умид Мадаминовнинг қайд этишича, Ўзбекистон энергетикасининг келажаги кадрлар тайёрлашга боғлиқ.
Тошкентда мураккаб техник муаммоларни ҳал қила оладиган, рақамлаштириш шароитида ишлайдиган ва энергетика секторини ўзгартиришда фаол иштирок этадиган муҳандислик мутахассисларини тайёрлаш бўйича жиддий марказ сифатида ўзини кўрсатган "МЭИ” миллий тадқиқот университети филиалининг ташкил этилиши муҳим қадам бўлди.
Унинг қўшимча қилишича, жадал глобал ўзгаришлар шароитида республикага янада кучли тайёргарликка эга, нафақат мавжуд технологиялар билан ишлашга, балки янгиларини яратишга қодир, фақатгина кўрсатмаларни бажарувчи эмас, балки лойиҳаларни бошлайдиган ва уларнинг двигателига айланувчи мутахассислар керак.
"Шунинг учун биз амалий тайёргарлик саъй-ҳаракатлари, қўшма лабораториялар яратиш, дуал таълим, академик мобиллик ва амалий тадқиқотларни жорий этиш тарафдоримиз. Ўзбекистон энергетикасига техникавий фикр етакчилари керак ва бугунги каби конференциялар таълим ва ишлаб чиқариш ҳамда илм-фан ўртасида кўприклар қуриш имконини беради," — дея қўшимча қилди у.
Университет проректори Александр Тарасов Тошкент филиалининг миссияси ва мақсадли модели ҳақида батафсил тўхталиб, бош олий таълим муассасасининг Ўзбекистонда ҳам амалга оширилиши режалаштирилган таълим лойиҳалари ҳақида сўзлаб берди.
Конференция в НИУ МЭИ
© Sputnik / Александра Терехина
Гап 10 ёшдан ошган болалар учун "Ёш энергетик" илмий-кўнгилочар курслари ҳақида кетмоқда. Улар мактаб ўқувчиларини энергетика билан таништиришдан тортиб, соҳа профессионалини шакллантириш, олимпиадалар, сайёр мактаблар, касбга йўналтириш тадбирлари, энергия тўгараклари каби кадрлар захирасини шакллантиришнинг узлуксиз тизимини яратишга имкон беради.
“Мутахассисларни тайёрлаш доирасида бутун ўқув жараёнини энергетика соҳасидаги тармоқ корхоналари билан мувофиқлаштириш зарур," — деди у.
Конференция в НИУ МЭИ
© Sputnik / Александра Терехина
Шунингдек, конференция доирасида Тошкент давлат техника университети ректори Садриддин Туробжонов, "Ўзбекгидроэнерго," "Ўзбекистон миллий электр тармоқлари," "Ҳудудий электр тармоқлари" ва "Иссиқлик электр станциялари" акциядорлик жамиятлари вакиллари сўзга чиқди.
Улар талабалар ва профессор-ўқитувчилар билан ташкилотлар ҳақида маълумот бериб, талабалар амалиёти, касбга йўналтириш ишлари ва ишга жойлашиш бўйича ўз таклифларини билдирди.
Шоҳрух Далиев ёзги таътил пайтида ёшларни иш билан таъминлаш учун қурилиш отрядларини ташкил этиш ташаббусини алоҳида таъкидлади.
Конференция в НИУ МЭИ
© Sputnik / Александра Терехина
Расмий қисмдан сўнг талабалар бўлажак иш берувчилар - Ўзбекистон энергетика саноати корхоналари вакиллари билан суҳбатлашишди. Меҳмонлар эса филиал залида жойлаштирилган талабалар ишларининг кичик кўргазмаси билан танишди.