ТОШКЕНТ, 19 май — Sputnik. Президент Шавкат Мирзиёев Венгрия бош вазири Виктор Орбаннинг таклифига биноан расмий ташриф билан ушбу мамлакатга жўнаб кетди, дея хабар берди Ўзбекистон раҳбари матбуот хизмати.
"Ташриф доирасида Будапешт шаҳрида олий даражадаги музокаралар, Венгриянинг расмийлари ва етакчи компаниялари раҳбарлари билан учрашувлар ўтказилиши кўзда тутилган", — дейилган хабарда.
Кун тартибидан мамлакатлар ўртасидаги амалий ҳамкорлик ва стратегик шерикликни янада кенгайтиришнинг долзарб масалалари ўрин олган.
Ўзбекистон етакчиси Туркий давлатлар ташкилоти норасмий саммитида ҳам иштирок этади.