ТОШКЕНТ, 18 май — Sputnik. АҚШ президенти Дональд Трамп имкон қадар тезроқ Россия президенти Владимир Путин билан учрашмоқчи, деди давлат котиби Марко Рубио CBS телеканалига берган интервьюсида, деб ёзмоқда РИА Новости.
"У буни имкон қадар тезроқ қилмоқчи. Ўйлайманки, Россия томони ҳам бунга тайёрлигини билдирди. Энди биз ҳаммани бир жойга йиғишимиз, бу учрашув қаерда ва қачон бўлиб ўтиши ва нима ҳақида бўлишини аниқлашимиз керак", — деди Рубио.
Давлат котибининг нутқидан бироз олдин Трамп душанба куни Путин билан телефон қўнғироғини эълон қилди. У Россия-Украина можаросини ҳал қилиш масаласини муҳокама қилишни режалаштираётганини айтди.
Россия раҳбари билан суҳбатдан кейин Оқ уй раҳбари Владимир Зеленский ва НАТО давлатлари вакиллари билан гаплашади. У музокаралар натижасида ўт очишни тўхтатишга умид қилмоқда.