TOШКЕНТ, 12 май — Sputnik. Қозоғистонда Ўзбекистон, Қозоғистон ва Тожикистон темир йўл маъмуриятлари вакилларининг уч томонлама ишчи учрашуви бўлиб ўтди, дея хабар берди "Қазақстан темір жолы".
Тадбирда "ҚТЖ - Жүк тасымалы" МЧЖ, “Ўзбекистон темир йўллари” АЖ, "Роҳи оҳани Тоҷикистон" ДУК делегациялари иштирок этди.
Томонлар Тожикистоннинг “Оазис” ва Ўзбекистоннинг “Сариоғаш” давлатлараро туташув пунктларида юк ташиш ҳажмини ошириш ва жараёнларни оптималлаштириш масалалари муҳокама қилинди.
“Йиғилишда юкларни ўз вақтида қабул қилиш ва олиб чиқишни таъминлаш, контейнер ташувлари улушини оширишга алоҳида эътибор қаратилди. Учрашув якунлари бўйича баённома имзоланди”, — дейилади хабарда.
Қайд этилишича, 2024 йилда Қозоғистон ва Ўзбекистон ўртасидаги юк ташиш ҳажми 11,5 миллион тоннани ташкил этди. 2025 йилнинг дастлабки тўрт ойи давомида “Сариоғаш” орқали кунлик ўртача ўтказиш 26 та поездни ташкил этди. Хитой-Марказий Осиё йўналишида контейнер ташиш улуши ўтган йилнинг шу даврига нисбатан 104 фоизга ўсди, бу 144 та контейнер поездига тенг.