ТОШКЕНТ, 11 май — Sputnik. Самарқанд вилоятида “Қўрғон достончилик мактаби ва Эргаш Жуманбулбул ўғли мероси” мавзусида халқаро илмий-амалий конференция бўлиб ўтмоқда, дея хабар берди Sputnik Ўзбекистон мухбири.
Ўзбекистон, Туркия ва Қозоғистон халқ достонларини бирлаштирган тадбир Қўшработ туманида ташкил этилди. Анжуманда 60 нафардан ортиқ ижрочи ва фольклор соҳаси мутахассислари иштирок этмоқда.
Унда глобаллашув шароитида бахшичилик анъаналарини қандай сақлаш, ёш авлодга билим бериш ва бахшичилик санъати замонавий жамиятда қандай рол ўйнаши каби долзарб масалалар муҳокамасига алоҳида эътибор қаратилмоқда.
"Биринчи куннинг ўзидаёқ оммавий байрамлар билан кечган анжуманда беш мингдан ортиқ вилоят аҳолиси иштирок этди. Қайд этишни истардимки, бахшичилик санъатига бағишланган тадбир Қўшработ туманида иккинчи маротаба юқори савияда ўтказилмоқда. Ўтган йили мамлакатимизнинг энг яхши бахшиси номи учун республика танловини ўтказдик. Бу йил халқаро анжуман доирасида ўтказилмоқда", — дейди Қўшработ тумани маданият бўлими бошлиғи Эшмамат Холбоев.
В Самарканде проходит международная конференция, посвященная искусству бахши
© Sputnik
Шунингдек, “Қўшработ навоси-2025” Республика бахшичилик танлови ҳам бўлиб ўтмоқда. Унда мамлакатнинг энг яхши бахшисини аниқланади. Тадбир Бахши Эргаш Жуманбулбул номидаги музей мажмуаси ҳудудида бўлиб ўтмоқда. Анжуманнинг бўлимларидан бири унга бағишланган. Бу ерда 49 нафар ижрочи мамлакатнинг энг яхши бахшиси бўлиш ҳуқуқи учун кураш олиб боради.
В Самарканде проходит международная конференция, посвященная искусству бахши
© Sputnik
“Танлов иштирокчиларининг чиқишлари бир қанча мезонлар бўйича баҳоланади. Биз нафақат ижро техникаси ва репертуар билимига, балки анъанавий чолғу асбобларида чалиш маҳорати, импровизация ва саҳна ифодалилигига ҳам эътибор қаратамиз”, — дейди танлов ҳакамлар ҳайъати раиси, Ўзбекистон халқ бахшиси Очил Чоршанбиев.
В Самарканде проходит международная конференция, посвященная искусству бахши
© Sputnik
Тадбир ўз ишини 12 майга қадар давом эттиради.