TOШКЕНТ, 7 май — Sputnik. Ўзбекистоннинг парад бўлинмаси 9 май куни Қизил майдон бўйлаб ўтади. Бу ҳақда Россия президенти ёрдамчиси Юрий Ушаков маълум қилди, дея хабар берди РИА Новости.
Юрий Ушаков Москвада Улуғ Ватан урушидаги Ғалабанинг 80 йиллигини нишонлаш режалаштирилган халқаро тадбирлар тафсилотларини ошкор қилди.
Тадбирларда 29 та давлат раҳбарлари иштирок этади:
Озарбайжон, Арманистон, Беларусь, Қозоғистон, Қирғизистон, Тожикистон, Туркманистон, Ўзбекистон, Абхазия, Босния ва Герцеговина, Бразилия, Буркина-Фасо, Венесуэла, Вьетнам, Гвинея-Бисау, Миср, Зимбабве, Хитой, Конго, Куба, Лаос, Мўғулистон, Мьянма, Фаластин, Сербия, Словакия, Экваториал Гвинея, Эфиопия, Жанубий Осетия.
Ҳиндистон, Никарагуа ва Жанубий Африканинг юқори мартабали вакиллари қатнашади.
ШҲТ, МДҲ, ЕОИИ, КХШТ, Ислом ҳамкорлик ташкилоти, Африка Иттифоқи комиссияси, Россия ва Беларусь иттифоқ давлати бош котиблари, Янги тараққиёт банки президенти иштирок этади.
“Қизил майдон бўйлаб 13 та мамлакатнинг парад бўлинмалари юришади: Озарбайжон, Вьетнам, Беларусь, Миср, Қозоғистон, Хитой, Қирғизистон, Лаос, Мўғулистон, Мьянма, Тожикистон, Туркманистон, Ўзбекистон”, - деди Ушаков.
Россияда аккредитациядан ўтган барча дипломатик ваколатхоналар раҳбарлари, мудофаа вазирликлари раҳбарлари ва хорижий давлатлар, жумладан, Исроил ва АҚШдан фахрийлар таклиф этилган.
Владимир Путиннинг қатор давлатлар раҳбарлари билан 15 тадан ортиқ икки томонлама учрашувлари режалаштирилган.