ТОШКЕНТ, 5 май — Sputnik. Тошкентда Ленинград шаҳри қамалига гувоҳ бўлган Ирина Панкова ҳолидан хабар олинди, дея маълум қилди Тошкент ҳарбий округи матбуот хизмати.
Ҳар йили 9 май – Хотира ва қадрлаш куни арафасида Иккинчи жаҳон уруши қатнашчилари, фронт орти фидойилари ҳолидан хабар олиш яхши анъанага айланган.
Блокадницу Ленинграда навестили в Ташкенте
© Министерство обороны Республики Узбекистан
Шу муносабат билан Тошкент ҳарбий округи қўмондони ҳамда Тошкент ҳарбий прокурори Иккинчи жаҳон уруши қатнашчиси, Ленинград шаҳри қамалига гувоҳ бўлган Ирина Панкова ҳолидан хабар олишди.
“Ушбу йўқлов давомида улар фахрий онахон билан самимий суҳбатлашиб, унинг ҳаёт йўли, уруш йилларидаги машаққатли кунлари, Ленинград қамалидаги сабр-тоқат, матонат ва жасорат билан тўла дақиқалар ҳақида тинглашди. Ирина Панкова ўз хотираларида Ленинграднинг қамалдаги ҳаёти, совуқ, очарчилик ва доимий хавф остида ўтган кунларни тилга олди”, — дейилади хабарда.
Блокадницу Ленинграда навестили в Ташкенте
© Министерство обороны Республики Узбекистан
Қаҳрамоннинг хизматлари муносиб эътироф этилиб, унга эсдалик совғалари топширилди.