ТОШКЕНТ, 4 май — Sputnik. Тошкентда 2-3 май кунлари Шанхай ҳамкорлик ташкилотининг II Халқаро тиббиёт конгресси ва Ўзбекистон кардиологларининг “Замонавий кардиология: профилактикадан юқори технологияларгача” йиллик халқаро конференцияси бўлиб ўтди, дея хабар берди ташкилот матбуот хизмати.
ШҲТ бош котиби ўринбосари Соҳаил Хон ўз нутқида тиббиёт соҳасида эксперт тажриба ва билим алмашиш ҳамда илғор технологияларни қўллаш имконини берувчи ихтисослаштирилган тадбирларни ўтказиш зарурлигини таъкидлади.
Аҳоли саломатлиги ва бирламчи тиббий-санитария ёрдами тизимини ривожлантириш, санитария-эпидемиология хавфсизлигини таъминлаш зарурлигига алоҳида эътибор қаратилди.
Халқаро тиббиёт конгресси ва кардиологлар конференцияси доирасида 40 дан ортиқ тематик давра суҳбатлари ва форумлар ўтказилди, уларда 30 та давлатдан 2 мингга яқин делегатлар иштирок этди.
В Ташкенте состоялись II Международный медицинский конгресс стран ШОС и ежегодная международная конференция кардиологов Узбекистана.
© ШОС
“Конгресс иши якунлари бўйича коммюнике қабул қилинди, унда ана шундай тадбирларни мунтазам равишда ўтказиш нияти тасдиқланди”, — дейилади хабарда.
Эслатиб ўтамиз, ШҲТ давлатларининг биринчи халқаро тиббиёт конгресси ўтган йилнинг 27-28 март кунлари Бишкек шаҳрида бўлиб ўтган.