Бухорода 24/7 тартибидаги тез ёрдам машиналари фаолияти йўлга қўйилди

Ушбу хизматда фаолият олиб борувчи фельдшерлар хорижий тилларни билади ва улар юқори малакага эга.
Sputnik
ТОШКЕНТ, 13 апр — Sputnik. Бухоронинг тарихий масканларида 24/7 тартибидаги электромобиль тез ёрдам машиналари фаолияти йўлга қўйилди, дея хабар берди Соғлиқни сақлаш вазирлиги матбуот хизмати.
“Бухоро шаҳрининг тарихий қисмларида жойлашган зиёратгоҳлар, маданий мерос объектлари ва сайёҳлар кўп тўпланадиган ҳудудларда замонавий ҳамда экологик тоза — электромобиль тез тиббий ёрдам машиналарининг 24/7 тартибида иш фаолияти ташкил этилди”, — дейилади хабарда.
Айтилишича, ушбу хизматда фаолият олиб борувчи тиббиёт ходимлари, хусусан, фельдшерлар хорижий тилларни билади ва улар юқори малакага эга.
В Бухаре запустили круглосуточные электромобили скорой помощи
Улар фавқулодда ҳолатларда профессионал тарзда ҳаракат қилиш, беморга биринчи ёрдам кўрсатиш ҳамда керакли тиббий муолажаларни амалга ошириш тажрибасига эга.
“Бу лойиҳа нафақат туристлар, балки маҳаллий аҳоли учун ҳам қулайликдир. Зеро, жамоат жойларида тез тиббий хизматга бўлган эҳтиёж — ҳаёт учун муҳим омиллардан бири ҳисобланади”, — дея қўшимча қилинган хабарда.
В Бухаре запустили круглосуточные электромобили скорой помощи
Қайд этилишича, мазкур ташаббус сайёҳлик инфратузилмасини ривожлантириш, маҳаллий ва хорижий меҳмонларга муносиб шарт-шароит яратиш, уларнинг хавфсизлиги ҳамда соғлиғини асраш мақсадида амалга оширилди.
Бухоронинг етти пири: муқаддас сўфий зиёратгоҳларига саёҳат
Сомонийлар меъморчилик дурдонаси: Бухоронинг қадимий гавҳари