ТОШКЕНТ, 10 апр – Sputnik. Евроосиё иқтисодий комиссиясида (ЕИК) Евроосиё иқтисодий иттифоқи (ЕОИИ) қишлоқ хўжалиги ва озиқ-овқат маҳсулотларини Эрон бозорига олиб чиқиш масалалари муҳокама қилинди. Бу ҳақда ЕИК матбуот хизмати хабар берди.
Учрашув жорий йилнинг 15 май куни ЕОИИ ва Эрон ўртасида эркин савдо тўғрисидаги битим кучга кириши олдидан бўлиб ўтди.
Битимнинг имтиёзли доираси қишлоқ хўжалиги маҳсулотларининг 67 фоизини қамраб олади, бу ЕОИИнинг Эронга қишлоқ хўжалиги экспортининг 98 фоизини ташкил қилади. Савдо режимини либераллаштириш Эрон томонида тарифларни ҳимоя қилиш даражасини сезиларли даражада пасайтиради.
“Битим ЕОИИ бизнеси учун Эрон бозорига, шу жумладан, озиқ-овқат маҳсулотларига кириш учун ноёб тариф шартларини яратади. Шу муносабат билан, Эрон билан бу соҳада ҳамкорликни ривожлантириш контекстида биринчи навбатда эътибор қаратишимиз керак бўлган тўсиқлар ва муаммоли масалаларни аниқлаш керак”, - деди ЕИК савдо сиёсати департаменти директори Владимир Серпиков.
Шунингдек, у битимнинг ўзаро савдога сезиларли таъсир кўрсатиши мумкин бўлган санитария, ветеринария-санитария ва карантин фитосанитария чораларини қўллаш бўйича тартибга солувчи қисми такомиллаштирилганини эслатди.