ТОШКЕНТ, 8 апр – Sputnik. Россия ҳарбийлари Курск вилоятида Гуевони озод қилди ва қишлоқ марказида байроқ ўрнатди. Бу ҳақда Россия Мудофаа вазирлиги матбуот хизмати хабар бермоқда.
“Шимол” қўшинлари гуруҳи бўлинмалари томонидан ҳужумкор хатти-ҳаракатлар давомида Курск вилоятининг Гуево аҳоли пункти озод қилинди”, - дейилган хабарда.
Март бошида Россия армияси Курск вилоятида кенг кўламли ҳужум бошлади ва 30 тадан зиёд қишлоқни, жумладан, Суджа шаҳрини озод қилди.
Россия Бош штаби бошлиғи Валерий Герасимов президент Владимир Путинга душман аскарлари ўраб олингани ва уларни йўқ қилиш операцияси олиб борилаётганини ҳақида маълумот берди. Россия қўшинлари Суми вилояти чегарасига чиққан.
Россия Мудофаа вазирлиги маълумотларига кўра, Украина армияси Курск вилоятидаги жанглар давомида 72 мингдан зиёд аскари, 404 та танки ва бошқа техникаларидан айрилган.