ТОШКЕНТ, 7 апр – Sputnik. Россия президенти Владимир Путин Украинада ўт очишни тўхтатиш ғоясини қўллаб-қувватлайди, бироқ бунинг учун бир нечта масалаларни ҳал этиш лозим. Бу ҳақда Россия етакчиси матбуот котиби Дмитрий Песков маълум қилди.
“Президент Путин ҳақиқатдан ҳам ўт очишни тўхтатиш ғоясини қўллаб-қувватлайди. Бироқ бунинг учун қатор саволларга жавоб бериш керак. Бу саволлар ҳавода муаллақ қолмоқда, ҳозирча уларга ҳеч ким жавоб бермади”, - деди Кремль вакили. Унинг сўзларидан РИА Новости иқтибос келтирган.
Песковнинг тушунтиришича, гап “Киев режимининг бўйсунмаслиги, Киев режимининг Киевга қулоқ тутмайдиган қатор экстремистик ва миллатчи бўлинмаларни назорат қила олмаслиги” ҳақида кетмоқда.
У шу каби масалалар аввалгидай кун тартибида эканини қўшимча қилди.