ТОШКЕНТ, 2 апр — Sputnik. Олий Мажлис Сенати раиси Танзила Нарбаева Россия Федерациясининг Ўзбекистондаги элчиси Олег Мальгинов билан учрашди, дея хабар берди юқори палата матбуот хизмати.
Айтилишича, учрашувда Ўзбекистон ва Россия ўртасидаги кўп қиррали стратегик муносабатларни ривожлантириш истиқболлари, шунингдек, икки томонлама ҳамкорликни мустаҳкамлашда муҳим ўрин тутадиган парламентлараро алоқаларни фаоллаштириш масалалари кўриб чиқилди.
Олий Мажлис Сенати раиси Танзила Нарбаева Россия Федерациясининг Ўзбекистондаги элчиси Олег Мальгинов билан учрашди
© Сенат Олий Мажлиса Республика Узбекистан
Шунингдек, Ўзбекистонда ўтказиладиган Парламентлараро иттифоқнинг 150-юбилей ассамблеясига тайёргарлик доирасида икки мамлакат парламентлари ўртасидаги ҳамкорликни чуқурлаштириш ва кенгайтириш масалалари муҳокама қилинди.
Олий Мажлис Сенати раиси Танзила Нарбаева Россия Федерациясининг Ўзбекистондаги элчиси Олег Мальгинов билан учрашди
© Сенат Олий Мажлиса Республика Узбекистан
“Олег Мальгинов Парламентлараро иттифоқнинг юбилей ассамблеясида Россия делегациясининг иштирок этишини қайд этиб, бу Ўзбекистон ва Россия ўртасидаги стратегик ҳамкорлик мустаҳкамланаётганидан далолат бериб туришини алоҳида таъкидлади”, — дейилади хабарда.
Учрашув якунида икки мамлакат халқлари манфаатлари йўлида конструктив ва ўзаро манфаатли ҳамкорликни давом эттиришга келишиб олинди.