ТОШКЕНТ, 1апр — Sputnik. Шанхай ҳамкорлик ташкилоти (ШҲТ) 31 март куни Ўзбекистон, Тожикистон ва Қирғизистон президентлари имзолаган чегара тўғрисидаги тарихий шартномани олқишлайди. Бу ҳақда ШҲТ ўзининг Telegram-каналида маълум қилди.
“Шанхай ҳамкорлик ташкилоти 2025 йил 31 мартда Қирғизистон Республикаси, Тожикистон Республикаси ва Ўзбекистон Республикаси ўртасида давлат чегараларининг туташ нуқтаси тўғрисидаги шартнома имзоланганини олқишлайди, бу уч давлат ўртасидаги ўзаро ишонч ва яхши қўшничилик муносабатларини мустаҳкамлаш йўлидаги муҳим қадамдир”, — дейилади хабарда.
Аъзо давлатлар ушбу шартноманинг имзоланиши ШҲТ маконида тинчлик ва барқарорликни таъминлашга салмоқли ҳисса қўшишини қайд этади.