ТОШКЕНТ, 31 мар – Sputnik. Ўзбекистон президенти Шавкат Мирзиёев, Тожикистон президенти Эмомали Раҳмон ва Қирғизистон президенти Садир Жапаров уч мамлакат давлат чегаралари туташган ҳудудда Дўстлик стеласини тантанали равишда очишди.
Главы государств открыли стелу Дружбы Узбекистана, Таджикистана и Кыргызстана
© Пресс-служба президента Узбекистана
Маросим Хўжанд шаҳрида ўтаётган олий даражадаги тадбирлар доирасида бўлиб ўтди.
Уч мамлакат бош вазирлари ўринбосарлари видеоалоқа орқали давлат раҳбарларига қурилиш ишлари якунлангани ва объект тайёрлиги тўғрисида ахборот беришди.
“Ушбу ёдгорлик қардош мамлакатларимиз ўртасидаги дўстлик, яхши қўшничилик, ишонч ва стратегик шериклик муносабатлари мустаҳкамланиб бораётганининг янги рамзи бўлади”, - дейилган Ўзбекистон раҳбари матбуот хизмати хабарида.
Аввалроқ Ўзбекистон, Тожикистон ва Қирғизистон давлат чегараларининг туташ нуқтаси тўғрисидаги тарихий шартнома имзоланган эди.