ТОШКЕНТ, 18 мар — Sputnik. Россия Украинада мумкин бўлган ўт очишни тўхтатишга умидини йўқотгани йўқ, бироқ Украина Қуролли кучларининг ўз ҳудудидаги ҳужумларини кўрмоқда, деди президент ёрдамчиси Юрий Ушаков “Коммерсант” газетасига.
“Таклифдан (30 кунлик сулҳ учун Вашингтондан. – Таҳр.) бир ҳафта ўтди. Ва биз нимани кўрмоқдамиз? Украина дронларининг Россия ҳудудига тарихдаги энг кучли ҳужуми. Ва кейин яна бир ҳужум. Аммо биз умидимизни йўқотмаймиз! Биз ҳамма нарсага илиняпмиз! Лекин улар (Россия ва АҚШ президентлари Владимир Путин ва Дональд Трамп. – Таҳр.) бир-бири билан гаплашиши керак”, — деди у.
Россия етакчисининг ёрдамчиси Оқ уйнинг махсус вакили Стивен Уиткоффнинг Москвага ташрифидан кейин сиёсатчилар бир-бирларига қўнғироқ қилмаганини таъкидлади.
“Ягона суҳбат 12 февраль куни бўлган. Ва “биз қўнғироқ қилдик” дейишганда, бошқа нарса назарда тутиляпти”, — дея қўшимча қилди Ушаков.