ТОШКЕНТ, 6 март — Sputnik. Евроосиё иқтисодий комиссияси (ЕИК) энергетика ва инфратузилма вазири Арзибек Кожошев Тошкентда бўлиб ўтган “Ақлли” транспорт тизимлари ва рақамли иқтисодиёт инфратузилмаси” II Халқаро илмий-амалий конференциясида иштирок этди, дея хабар берди комиссия матбуот хизмати.
Тадбирда транспорт-логистика комплекини рақамли ўтиш бўйича халқаро тажрибани ўрганиш, шунингдек, “ақлли” транспорт тизимларининг халқаро савдони ривожлантиришга қўшган ҳиссаси асосий мавзулар бўлди.
Арзибек Кожошев ўз сўзида Евроосиё иқтисодий иттифоқи (ЕОИИ)да бундай тизимларни ривожлантириш бўйича олиб борилаётган ишлар ҳақида гапирди.
“Рақамли иқтисодиётнинг ривожланиши туфайли товарларнинг транспорт ҳаракатида деярли тўлиқ шаффофликни таъминлаш, юк ташишда прогнозлиликни ошириш ва хатарларни камайтириш, транспорт ва логистика харажатларини камайтириш, шунингдек халқаро савдони рағбатлантириш туфайли автоматлаштириш воситалари тобора оммалашиб бормоқда”, — деди Кожошев.
ЕОИИ вазирининг хабар беришича, Комиссия ЕОИИ доирасида “ақлли” транспорт тизимларини ривожлантириш имкониятларини кўриб чиқмоқда.
Шунингдек, у транспорт инфратузилмасига янги технологияларни жорий этиш жараёнини фаоллаштиришга қаратилган интеллектуал транспорт тизимларининг ўзаро ҳамкорлигини такомиллаштириш Концепцияси ҳақида гапирди.