ТОШКЕНТ, 22 фев — Sputnik. Евроосиё иқтисодий комиссияси (ЕИК) кенгаши доривор воситалардан тиббий фойдаланиш бўйича йўриқнома ва доривор воситаларнинг умумий тавсифига қўйиладиган талабларнинг янги таҳририни тасдиқлади. Бу ҳақда ЕИК матбуот хизмати хабар берди.
Асосий ўзгаришлар тиббий фойдаланиш бўйича йўриқноманинг форматига таъсир қилди: фойдаланилмаган бир қатор бўлимлар чиқариб ташланди, бу эса истеъмолчиларга маълумот беришни осонлаштиради.
Талабларга, шунингдек, аввал рўйхатдан ўтган дори воситалари учун фойдаланувчи тестларини ўтказиш заруратини бартараф этиш мақсадида ўзгартиришлар киритилди.
Бу уларнинг бозорнинг иттифоқ сегментига ўтишини соддалаштиради ва фармацевтика ишлаб чиқарувчиларига Евроосиё иқтисодий иттифоқи қоидаларига мувофиқ рўйхатга олиш маълумотларини тайёрлаш харажатларини камайтириш имконини беради.