TOШКЕНТ, 17 фев — Sputnik. АҚШ президенти Дональд Трамп Россия НАТОга таҳдид солаётганига ишонмаслигини айтди, деб ёзмоқда РИА Новости.
Дональд Трамп Флоридада журналистларнинг Владимир Зеленскийнинг “Россия НАТОга таҳдид солаётгани ҳақидаги” баёнотларига муносабат билдирди. У ўз сўзида Россия НАТОга таҳдид солаётганига ишонмаслигини айтди.
“Йўқ, мен бу фикрга қўшилмайман, ҳатто заррача”, — деди Трамп.
NBC телеканалининг Америка расмийларига таянган ҳолда хабар беришича, Қўшма Штатлар Россия ва Украина билан алоҳида икки томонлама учрашувлар ўтказиш, сўнгра ҳар икки томон иштирокида қўшма музокаралар ўтказиш ниятида.
Аввалроқ Трамп Украинадаги можарони “тезда” ҳал қилмоқчи эканини айтган Путин билан “тез орада” учрашишини маълум қилган эди.