ТОШКЕНТ, 8 фев — Sputnik. Россия ҳарбийлари Днепрдаги ороллардан бирининг қирғоғида Украина разведка гуруҳини йўқ қилди, деб хабар берди Россия ҳуқуқ-тартибот идораси РИА Новости агентлигига.
“Украина Қуролли кучларининг уч кишидан иборат разведка гуруҳи Днепрдаги ороллардан бирига қўнишга уриниш чоғида йўқ қилинди”, — деди агентлик суҳбатдоши.
Ўтган йилнинг октябрь ойида Херсон вилояти губернатори Владимир Сальдо РИА Новостига Россия бўлинмалари Днепр дельтасидаги барча оролларни назорат қилишини айтган эди. Унинг сўзларига кўра, украиналик жангарилар мунтазам равишда дарёни кесиб ўтиб, оролларда мустаҳкам ўрнашиб олишга ҳаракат қиладилар, бироқ бу уринишларнинг барчаси барбод бўлади.
Херсон вилояти Днепрнинг қуйи оқимида жойлашган бўлиб, Азов ва Қора денгизлар томонидан ювилади. 2022 йил сентябрь ойида ўтказилган референдумда иштирокчиларнинг 87,05 фоизи Россия таркибига қўшилиш учун овоз берганидан кейин у Россия ҳудудига айланди.
Киев режими бунинг қонунийлигини тан олмайди ва ҳудудни ўққа тутишда давом этмоқда. Ҳозир Россия армияси Херсон вилоятининг 75 фоизини назорат қилмоқда, Украина Қуролли кучлари Днепрнинг ўнг қирғоғини, шу жумладан Херсон шаҳрини ушлаб турибди.