ТОШКЕНТ, 4 фев — Sputnik. Ўзбекистон президенти Шавкат Мирзиёев Малайзияга жўнаб кетди, дея хабар берди давлат раҳбари матбуот хизмати.
"Ўзбекистон Республикаси Президенти Шавкат Мирзиёев Малайзия Бош вазири Анвар Иброҳимнинг таклифига биноан 4 февраль куни расмий ташриф билан ушбу мамлакатга жўнаб кетди", — дейилади хабарда.
Ташриф дастурига мувофиқ, Куала-Лумпур шаҳрида олий даражадаги музокаралар, қатор ишбилармонлик ва маданий тадбирлар бўлиб ўтади. Шунингдек, Малайзиянинг етакчи компаниялари раҳбарлари билан учрашувлар, қўшма бизнес форуми ва бошқа тадбирлар режалаштирилган.