TOШКЕНТ, 4 фев — Sputnik. "Сколково" резиденти “Стахановец”нинг маълумотлар сизиб чиқишини ҳимоя қилиш ва ходимлар мониторинги тизими (DLP) Ўзбекистон Миллий сертификатлаштириш тизимидан рухсат олди.
Мувофиқлик сертификати дастурий таъминот миллий стандартлар талабларига жавоб беришини ва нафақат тижорат, балки давлат ташкилотларида ҳам фойдаланиш мумкинлигини тасдиқлайди.
Комплексни баҳолаш учун Киберхавфсизлик марказининг аккредитацияланган синов лабораторияси мутахассислари “Стахановец”нинг ўнинчи версиясининг мустақил синовларини ўтказди.
Синовлар дастурий таъминот меъёрий ҳужжатлар талабларига мувофиқлигини тасдиқлади.
“Сертификатни олиш МДҲ бозоридаги иштирокимизни кенгайтириш имконини беради: биз Озарбайжон, Арманистон, Беларус ва Қозоғистонда фаол ишлаяпмиз. Биз Ўзбекистон билан ҳамкорлик қилиш учун ҳам катта имкониятларни кўряпмиз. Ўзбекистон Республикаси учун ахборот хавфсизлиги устувор тармоқлардан бири бўлиб, маҳаллий ташкилотлар Россия ечимларига қизиқиш билдирмоқда”, — деди "Стахановец" компаниясининг операцион директори Александр Канатов.
Ўзбекистонда "Стахановец"ни минтақадаги энг йирик дастурий таъминот дистрибюторларидан бири MONT TECH компанияси тақдим этади.
DLP-тизимлари дунёда жуда машҳур ва ахборот хавфсизлигини таъминлашда асосий ҳисобланади.
"Маҳаллий DLP-тизимлари хорижий тизимлар билан рақобатлашади ва кўпинча улардан устун туради. Ўзбекистон бозорига кириш “Стахановец” жамоаси учун вақт масаласи эди. Компаниянинг ечими шунчаки ахборот хавфсизлиги эмас, бу ходимларнинг ҳаракатларини кузатиш, кириш ҳуқуқларини чуқур бошқариш, маълумотларни узатиш каналларини бошқариш каби катта имкониятларга эга IT ечимидир. Сўнгги йилларда биз ахборот тизимларидаги ҳодисаларни автоматик текшириш учун янги хусусиятларни кўрдик”, — деди "Сколково" жамғармасининг ахборот хавфсизлиги соҳасидаги истиқболли лойиҳалари раҳбари Игорь Бирюков.