TOШКЕНТ, 26 ноя — Sputnik. Бугундан Евроосиё иқтисодий иттифоқининг (ЕОИИ) “Ўйинчоқлар хавфсизлиги тўғрисида”ги техник регламентига (ТР ТС 008/2011) киритилган ўзгартиришлар кучга кирмоқда, дея хабар берди ЕИК матбуот хизмати.
Ўзгартиришлар техник регламентларни қўллаш доирасини аниқлаб беради. Хусусан, ўйинчоқ бўлмаган маҳсулот турлари аниқ белгиланган. Масалан, эсдалик совғалари, компьютер ўйинлари, ўсимликлар етиштириш учун тўпламлар ва бошқа бир қатор товарлар.
Шунингдек, техник регламентлар уни қўллашда зарурат туғилган тушунчалар билан тўлдирилди. Улар орасида "уйда фойдаланиш учун батут", "фаол дам олиш учун ўйинчоқ", "ўйинчоқнинг тижорат номи", "учар ўйинчоқ", "овозли ўйинчоқ", "электромеханик ўйинчоқ" ва бошқалар.
Кимёвий ўйинчоқлар ва кимёвий моддаларни ўз ичига олган ва кимёвий тажриба тўпламлари билан боғлиқ бўлмаган ўйин тўпламларида кимёвий моддалар ёки реагентлар таркибига қўйиладиган талаблар белгиланган.
“Ўйинчоқларнинг гигиеник хавфсизлигига қўйиладиган талаблар, хавф-хатарлар тўғрисида огоҳлантирувчи маълумотларга қўйиладиган талаблар, энг катта хавф туғдирувчи ўйинчоқлардан хавфсиз фойдаланиш бўйича кўриладиган чоралар кўрилди. ЕИК ҳайъатининг 2024 йил 6 августдаги 91-сонли қарори янги талабларга босқичма-босқич ўтишни назарда тутувчи ўзгартиришлар киритиш тартибини белгилаб берди. Шундай қилиб, 2024 йил 26 ноябргача берилган ўйинчоқлар учун сертификатлар амал қилиш муддати тугагунга қадар амал қилади”, — дейилади хабарда.
Шу билан бирга, ўйинчоқларни ишлаб чиқариш ва ЕОИИ бозорида муомалага чиқаришга, бундай сертификатлар мавжуд бўлганда, уларнинг амал қилиш муддати тугагунга қадар ва ЕОИИ бозорида муомалада бўлганда – ўйинчоқларнинг хизмат қилиш муддати ёки яроқлилик муддати давомида рухсат этилади.