ТОШКЕНТ, 17 ноя — Sputnik. Хитой Украина масаласида тинчликка эришиш учун ҳаракат қилмоқда. Бу ҳақда Хитой раҳбари Си Цзиньпин Лимада АҚШ президенти Жо Байден билан учрашувда маълум қилди, деб ёзмоқда РИА Новости.
"Хитойнинг Украина инқирози бўйича позицияси ва ҳаракатлари доимо ҳалол ва адолатли бўлган. Хитой тинчлик музокараларини илгари суриш, тинчликка эришиш ва кескинликни пасайтиришга интилиш учун "shuttle diplomacy" ва воситачиликни амалга оширмоқда”, — дея Хитой ТИВ Си Цзиньпинни сўзларидан иқтибос келтирди.
Унинг қайд этишича, бугунги кунда инсоният мисли кўрилмаган муаммоларга дуч келмоқда, бу даврнинг фонида йирик давлатлар ўртасидаги рақобат бўлмаслиги керак.
“Бугун дунёда вазият беқарор, можаролар тез-тез учраб турмоқда, янги ва эски муаммолар кесишмоқда, инсоният мисли кўрилмаган муаммоларга дуч келмоқда. Йирик давлатлар ўртасидаги рақобат даврнинг фонида бўлмаслиги керак, қийинчиликларни фақат бирлик ва ҳамкорлик орқали енгиш мумкин”, — деди Си Цзиньпин.
У шунингдек, “Дунёдаги энг муҳим икки томонлама муносабатлар сифатида Хитой-АҚШ муносабатларининг барқарор ривожланиши нафақат икки давлат халқи, балки инсоният тақдири билан ҳам боғлиқ”лигини таъкидлади.
Миллий хавфсизлик концепцияси бошқа мамлакатларни жиловлаш учун баҳона бўлиши мумкин эмас, деди у.
"Барча давлатлар ўз миллий хавфсизлигини ҳимоя қилишлари керак бўлса-да, улар бу концепцияни ҳаддан ташқари ошириб юбормасликлари керак, аксинча, уни бошқа мамлакатларни жиловлаш учун ёмон ниятли ҳаракатлар учун баҳона сифатида ишлатмасликлари керак", — деди Си Цзиньпин.