ТОШКЕНТ, 10 ноя — Sputnik. Ўзбекистон Қозоғистоннинг "Оқтов денгиз тижорат порти" миллий компанияси билан қўшма лойиҳаларни биргаликда амалга оширишга келишиб олди, дея хабар берди "Дунё" АА.
Ўзбекистон Бош консулхонаси ходимлари Қозоғистоннинг "Оқтов денгиз тижорат порти" миллий компанияси бошқаруви раиси Абай Турикпенбаев билан учрашди.
Дипломаты Узбекистана обсудили с руководством казахстанского морского порта перспективные совместные проекты
© ИА "Дунё"
Унда "Оқтов денгиз тижорат порти"нинг ҳозирги ҳолати, унинг техник имкониятлари, ўзбек экспортчиларининг маҳсулотларини ушбу денгиз порти орқали учинчи давлатларга етказиш истиқболлари хусусида фикр алмашилди.
Айтилишича, ҳозирги кунда порт ўз имкониятларини кенгайтирмоқда, шу жумладан маҳсулотларни транзит ва контейнерли ташиш орқали диверсификация қилиш билан Транскаспий халқаро транспорт йўналишининг муҳим бир қисмига айланмоқда.
Порт 2024 йил давомида транзит ташув ҳажмини 5 миллион тоннадан оширишни мақсад қилган. Шунингдек, Марказий Осиё ва бошқа давлатлардан контейнерда юкларни етказиш фаол ривожланмоқда.
Учрашув якунида Ўзбекистон томони билан ҳамкорликни жадаллаштириш ва истиқболли қўшма лойиҳаларни биргаликда амалга ошириш тўғрисида келишиб олинди.