Тошкентдаги Ботаника боғи ўсимлик дунёсининг хилма-хиллиги билан ноёб имкониятлар тақдим этади. Ташриф буюрувчилар тажрибали гидлар бошчилигидаги экскурсиялар давомида ҳудуднинг экзотик, ноёб ўсимликлар, уларнинг атроф-муҳит учун аҳамияти ҳақида маълумот олишади.
Тошкентда жойлашган ноёб ботаника боғи МДҲдаги барча боғлар орасида катталиги бўйича иккинчи ўринда туради ва 66 гектар майдонни эгаллайди. Боғ ҳудудининг бир қисмини машҳур Тошкент ҳайвонот боғи эгаллайди.
Боғнинг коллекцияси ўсимликларнинг 6000 тадан ортиқ туррини ўз ичига олади: 170 та турдаги игнабаргли дарахтлар, 800 гтаа яқин тропик ва субтропик ўсимликлар ва 2000 тадан ортиқ кўп йиллик ўсимликлар.
Ботаника боғи ҳудудида сунъий сув ҳавзалари мавжуд. Оққўрғон каналидан оқаётган сув, ўз навбатида, боғнинг қулай жойлашуви туфайли ўсимликларнинг бевосита каналдан сув олишини таъминламоқда.
Боғнинг эстетикаси ноёб санъат асарларини яратишга илҳом бериб, уни нафақат ботаника, балки шаҳарнинг маданий марказига айлантиради.
Тошкент ботаника боғига кириш чиптаси нархлари:
катталар ёки талаба учун – 15 000 сўм;
мактаб ёшидаги бола учун – 10 000 сўм;
5-6 ёшли боғча тарбияланувчилари учун – 3 минг сўм;
пенсионерлар учун – 5 минг сўм.
Истироҳат боғига ногиронлар, уруш қатнашчилари ва 5 ёшгача бўлган болалар бепул ташриф буюришлари мумкин.
Ботаника боғига велосипед ёки самокат билан кириш учун қўшимча тўлов олинади – 40 000 сўм.
Иссиқхонага кириш учун эса қўшимча 7000 сўм тўлаш керак бўлади (иссиқхона душанба, чоршанба, жума ва якшанба кунлари ишлайди).