TOШКЕНТ, 15 окт — Sputnik. Хитойдан табиий газ қазиб чиқаришни барқарорлаштириш учун янги компрессор блоклари олиб келинади, дея хабар берди “Ўзбекнефтгаз” матбуот хизмати.
“Ўзбекнефтгаз” тасарруфидаги газ конларида қазиб чиқариш барқарорлигини таъминлаш ва мавжуд захираларни максимал ўзлаштириш мақсадида кичик компрессор станцияларини қуриш лойиҳалари амалга оширилмоқда.
“Ўзбекнефтгаз” делегацияси Хитойнинг Янтай шаҳрида ўтказилган “Глобал саноат энергияси” саммитида иштирок этиб, “Jereh Group” компанияси билан ҳамкорлик масалалари юзасидан музокаралар ўтказди.
“Лойиҳанинг биринчи босқичида Хитойнинг “Jereh Group” компанияси томонидан 15 та компрессор блоки тайёрланиб, етказиб берилди ва ишга туширилди. Иккинчи босқичда яна 64 та компрессор блоки тайёрланиб, етказиб бериш режалаштирилган”, — дейилади хабарда.
В целях стабильной добычи природного газа будут построены новые мини компрессорные блоки
© Узбекнефтегаз
Делегация аъзолари “Jereh Group”нинг компрессор қурилмаларини ишлаб чиқариш янги заводининг очилиш маросимида ҳам иштирок этиб, компрессор станцияларини Ўзбекистонга етказиб бериш масалаларини муҳокама қилишди.