ТОШКЕНТ, 13 окт — Sputnik. Фаластин сиёсати мустақил Фаластин давлатини кўпроқ давлатлар томонидан тан олишга қаратилган, унинг мустақиллигини тан олишга тайёр Европа давлатлари мавжуд. Бу ҳақда Фаластиннинг Москвадаги элчиси Абдулҳафиз Нофал РИА Новостига маълум қилди.
У Венесуэланинг Россия Федерациясидаги элчихонаси томонидан Фаластин ва Ливан халқлари билан бирдамлик акциясида иштирок этди.
“Бизнинг асосий сиёсатимиз Фаластин давлатини тан оладиган давлатлар сонини кўпайтиришдан иборат. 149 тага яқин давлат Фаластин давлатини тан олади ва бу тан олинишига тайёр бўлган қатор Европа давлатлари ҳам бор”, — деди элчи.
У Лотин Америкасининг бир қатор давлатлари - Боливия, Венесуэла, Колумбия, Никарагуа Исроил билан муносабатларини узганини эслатди.
Нофалнинг таъкидлашича, Лотин Америкаси нафақат ҳукуматларга, балки Фаластин масаласи ва Фаластин халқининг қонуний ҳуқуқларини қўллаб-қувватлашда халқларга ҳам тегишли бўлган бирдамликни намоён этади.