ТОШКЕНТ, 11 окт — Sputnik. Бугун Ашхободда туркман шоири Махтумқулига бағишланган “Замон ва цивилизациялар ўзаро алоқаси – тинчлик ва тараққиёт асоси” мавзусидаги халқаро конференция иш бошлади.
"Форум буюк туркман шоири ва файласуфи Махтумқули Фироғий таваллудининг 300 йиллигини нишонлашга бағишланган. Унинг асосий мақсадлари – Махтумқули Фироғийнинг мумтоз меросини оммалаштириш, Шарқ халқлари тиллари ва адабиётлари ўртасидаги муносабатларни чуқурлаштириш, шоирнинг умуминсоний маънавий қадриятлар хазинасига, миллий давлатчилик ривожидаги ўрнини этироф этиш ва инсонпарварлик ғоясини тадқиқ этишд", - дейилади расмий хабарда.
Туркманистон президенти Сердар Бердимуҳамедов раислигида бўлиб ўтаётган анжуманда Ўзбекистон президенти Шавкат Мирзиёев, Арманистон президенти Вахагн Хачатурян, Эрон президенти Маъсуд Пезешкиён, Қозоғистон президенти Қасим-Жомарт Тоқаев, Қирғизистон президенти Садир Жапаров, Мўғулистон президенти Ухнаагийн Хурэлсух, Покистон президенти Асиф Али Зардорий, Россия президенти Владимир Путин ва Тожикистон президенти Эмомали Раҳмон иштирок этмоқда.
Ундан ташқари, меҳмонлар орасида Туркия Республикаси Буюк Миллат Мажлиси раиси, Россия Федерацияси Татаристон Республикаси раҳбари, ЮНEСКО Бош конференцияси раиси, халқаро ташкилотлар раҳбарлари, хорижий ҳукуматлар аъзолари, таниқли олимлар, маданият арбоблари ва дипломатлар бор.
Президент Узбекистана отметил важную роль наследия поэта и мыслителя Махтумкули Фраги в укреплении братских связей и сближении народов
© Пресс-служба президента Узбекистана