TOШКЕНТ, 10 окт — Sputnik. Россия ва Ўзбекистон илмий-маърифий туризмни ривожлантириши мумкин. Бу ҳақда Буюк Олтой илмий-тадқиқот марказининг Олтойшунослик ва туркий тадқиқотлар бўйича ўринбосари Сергей Грушин Тошкентда бўлиб ўтган халқаро анджуманда маълум қилди, дея хабар берди Sputnik Ўзбекистон мухбири.
Гап, биринчи навбатда, Россияда ҳам, Ўзбекистонда ҳам илмий тадбирларда олимлар ва талабаларнинг ўзаро иштироки ҳақида бормоқда.
“Биргаликда туризм лойиҳаларини ишлаб чиқиш, хусусан, виртуал музейни ривожлантириш мумкин. Ўзбекистонлик ҳамкасбларимизни ушбу лойиҳага қўшилишга ва Ўзбекистон музейларида сақланаётган туркий маданиятнинг энг ёрқин ва қизиқарли дурдоналарини виртуал музейимизга жойлаштиришга таклиф қиламиз”, — деди олим.
Бундан ташқари, туркий маданият ёдгорликларини хариталаш бўйича ҳамкорлик қилиш мумкин, дея қўшимча қилди Грушин.
Эслатиб ўтамиз, Тошкентда Ипак йўли: туризм призмаси орқали ҳамкорлик” мавзусида халқаро илмий-амалий конференция бўлиб ўтмоқда. Sputnik Ўзбекистон мухбирининг маълум қилишича, Катта Олтой Олтойшунослик ва туркийшунослик илмий-таълим маркази директори Ўзбекистон Туризмни ривожлантириш илмий-тадқиқот институтининг фахрий профессорига айланди.