TOШКЕНТ, 30 сен — Sputnik. Халқаро волейбол федерацияси (FIVB) президенти Ари Грасса бошчилигидаги делегация Ўзбекистонга ташриф буюрди, дея хабар берди Миллий олимпия қўмитаси.
Тошкентга Халқаро волейбол федерацияси президенти ташриф буюрди
© НОК
Меҳмонни ички ишлар вазири ўринбосари, Ўзбекистон волейбол федерацияси раисининг биринчи ўринбосари, генерал-майор Бекмурод Абдуллаев, спорт вазирининг ўринбосари Шаҳрулло Маҳмудов, Миллий Олимпия қўмитаси ҳамда мамлакат волейбол федерацияси ходимлари кутиб олишди.
FIVB президенти иштирокида қуйидагилар муҳокама этилади:
республикада волейбол спорти ривожини янги босқичга олиб чиқиш, уни янада оммалаштириш;
маҳаллий мутахассислар малакасини ошириш;
келгусида йирик халқаро мусобақаларни Ўзбекистонда ўтказишга доир режалар.
Тошкентга Халқаро волейбол федерацияси президенти ташриф буюрди
© НОК
Қайд этилишича, мартабали меҳмонга Халқаро волейбол федерациясининг турли бўлимларида фаолият олиб борадиган 4 нафар мутахассис ҳамроҳлик қилмоқда.