TOШКЕНТ, 23 сен — Sputnik. Ўзбекистон ва Хитой “Мени кут” номли бадиий фильм суратга олади, дея хабар берди Миллий кинематографияни ривожлантириш маркази матбуот хизмати.
Хитойнинг Сиан шаҳрида ўтказилаётган Ипак йўли халқаро кинофестивали доирасида Ўзбек кино кунларининг очилиш маросими бўлиб ўтди. Унда томошабинлар эътиборига “Баҳодир Ялангтўш” фильми ҳавола этилди.
Хитойда Ўзбек кино кунлари очилиши бўлиб ўтди.
© Национальный центр развития кинематографии
Қайд этилишича, Миллий кинематографияни ривожлантириш маркази Хитой вакиллари билан “Мени кут” бадиий фильми бўйича ҳамкорлик шартномасини имзолади.
“Бу каби қўшма лойиҳалар нафақат кино соҳасидаги ҳамкорликни ривожлантиради, балки Ўзбекистон ва Хитой ўртасидаги дўстлик, маданий ва ижтимоий алоқаларни юқори даражаларга олиб чиқади”, — дейилади хабарда.
Шунингдек, кино кунлари доирасида “Ўзбек киносида маданиятлараро ҳамкорлик бўйича янги ташаббуслар” мавзусида форум ҳам ўтказилди.