ТОШКЕНТ, 15 сен — Sputnik. Ўзбекистон ва Қирғизистон чегараси орқали амалга оширилаётган юк ташувлари ривожлантирилади, дея хабар берди транспорт вазирлиги.
Узбекистан и Кыргызстан обсудили вопросы развития грузоперевозок на автотранспорте.
© Министерство транспорта Республики Узбекистан
"Андижон вилоятидаги “Дўстлик” – “Достук” чегара божхона постларида Ўзбекистон ва Қирғизистон давлат божхона, чегара хизматлари ҳамда транспорт вазирликлари вакилларидан иборат ишчи гуруҳларнинг учрашуви ўтказилди", — дейилади хабарда.
Учрашув доирасида икки томонлама юк ташувлари ҳамда Хитой – Қирғизистон – Ўзбекистон йўналиши орқали амалга оширилаётган юк ташувларини ривожлантириш масаласи кўриб чиқилди.
Узбекистан и Кыргызстан обсудили вопросы развития грузоперевозок на автотранспорте.
© Министерство транспорта Республики Узбекистан
Томонлар шунингдек, чегара божхона постлари орқали транспорт қатнови билан боғлиқ бўлган тирбандликларни олдини олиш каби масалаларни ҳам муҳокама этишди.