ТОШКЕНТ, 22 авг — Sputnik. Бугун Москвада учинчи халқаро болалар маданий форуми иш бошлади, унда Россия ва хорижий давлатлардан икки мингдан ортиқ иштирокчи қатнашмоқда, дея хабар берди форум ташкилотчилари.
Россия Федерациясининг 89 та ҳудудидан, шунингдек, Ҳиндистон, Миср, Сербия, Беларусь, Абхазия, Жанубий Осетия, Босния ва Герцеговина, Хитой, Бразилия, Сурия ва Туркманистон, Ўзбекистон, Иордания каби давлатларнинг 12 ёшдан 17 ёшгача бўлган иқтидорли болалари иштирок этмоқда.
Учинчи халқаро болалар маданий форуми
© Детский культурный форум
Форум доирасида 60 тадан ортиқ тадбирлар, жумладан, маҳорат дарслари, таниқли маданият арбоблари билан мулоқотлар, маърузалар, семинарлар ҳамда бой экскурсия дастури бўлиб ўтади.
Форумда анъанавий тарзда маданият ва санъатни ривожлантириш йўналишида “Болалар ташаббуслари танлови”нинг финали ўтказилади. Финалчилар ўз лойиҳаларини намойиш этишади, ғолиб Россия Маданият вазирлиги томонидан молиявий ёрдам олади. Форум иштирокчилари анъанавий тарзда “Маданиятни рақамлаштириш” мавзусидаги ҳакатон кутмоқда.
Форум ўз ишини 24 августга қадар давом эттиради.