ТОШКЕНТ, 25 июл — Sputnik. Бишкекда Шанхай ҳамкорлик ташкилотига (ШҲТ) аъзо давлатлар бош прокурорларининг 22-йиғилиши якунланди. Бу ҳақда Қирғизистон Бош прокуратураси хабар берди.
Тадбир давомида ШҲТга аъзо барча давлатларнинг бош прокурорлари йиғилиш якунларини сарҳисоб қилишди ва келгусидаги ҳамкорликнинг асосий йўналишларини акс эттирувчи йиғилиш баённомасини имзолашди.
Бишкеке завершилось 22-е заседание генеральных прокуроров стран-членов Шанхайской организации сотрудничества
© Генеральная прокуратура Кыргызской республики
“Имзоланган баённома ШҲТга аъзо давлатлар бош прокуратуралари ўртасидаги ўзаро ҳамкорликни кучайтириш бўйича келишилган чора-тадбирларни, шунингдек, минтақада ҳуқуқ-тартибот ва хавфсизликни таъминлаш бўйича стратегияларни ўз ичига олади”, — дейилади хабарда.
ШҲТга аъзо давлатлар бош прокурорларининг навбатдаги йиғилишига раислик қилиш Покистонга ўтди.
Бу йил йиғилишга Қирғиз Республикаси бош прокурори раислик қилмоқда. Унда Қирғизистон, Россия, Тожикистон, Ўзбекистон, Покистон, Ҳиндистон, Эрон, Қозоғистон, Беларусь, Хитой назорат бўлимлари раҳбарлари, шунингдек, ШҲТнинг котибият ва минтақавий аксилтеррор тузилмаси раҳбарлари иштирок этди.
ШҲТга 2001 йилда олтита давлат – Қозоғистон, Хитой, Россия, Қирғизистон, Тожикистон ва Ўзбекистон томонидан асос солинган. Кейинчалик иттифоққа Ҳиндистон, Покистон, Эрон, Беларусь қўшилди. Кузатувчи давлатлар: Афғонистон ва Мўғулистон. Ҳамкор давлатлар: Озарбайжон, Арманистон, Камбоджа, Непал, БАА, Туркия ва Шри-Ланка.