ТОШКЕНТ, 11 июл — Sputnik. Россия Ташқи разведка хизмати АҚШнинг Владимир Зеленский ўрнига номзод қидириш ҳақидаги маълумотларини ошкор қилди. Бу ҳақда РИА Новости "Разведчик" журналида чоп этилган маълумотларга таяниб хабар берди.
“Украина президенти девони раҳбари А. Ермак, Украина Қуролли кучларининг собиқ бош қўмондони В. Залужний ва Олий Раданинг собиқ спикери Д. Разумков билан сўзсиз иш олиб борилмоқда”, — дейилади хабарда.
Қайд этилишича, Украинанинг собиқ президенти Пётр Порошенко ва Киев мэри Виталий Кличко билан ҳам алоқалар ўрнатилган. Агар фронтдаги вазият кескин ёмонлашса, бу шахслар Зеленскийнинг ўрнини босиши мумкин, дейилади ҳужжатда.
Шу билан бирга, АҚШ ва ЕИ режимнинг амалдаги раҳбари ўз лавозимида қолишини истайди, чунки у билан зиддиятларни молиялаштириш схемалари боғланган, бу эса Киев ва Ғарбдаги қурол ишлаб чиқарувчиларга даромад келтиради, деб ёзади нашр.
Украинадаги жамоатчилик кайфиятига келсак, Ғарб унинг динамикасидан ниҳоятда хавотирда, дейди нашр. Хусусан, украиналиклар ўртасида можаронинг чўзилишидан норозилик, бефарқлик ва давлат институтларига ишончсизлик кучаймоқда.