ТОШКЕНТ, 28 июн — Sputnik. Ўзбекистон президенти Шавкат Мирзиёев бир гуруҳ ёшларга мукофотларни топширди.
Шавкат Мирзиёев вручил награди молодежи
© Пресс-служба президента Узбекистана
Сизлар мана шундай натижаларингиз билан янги тарих яратяпсизлар. Ишончим комил, халқимиз қўлга киритаётган улкан ютуқлар билан бирга, бу натижалар Янги Ўзбекистон тарихига, Учинчи Ренессанс тарихига айланади.<...> Бугунги ютуқларингиз – узоқ йўлнинг бошланиши. Давлат шароит яратиши, кимдур ёрдам бериши мумкин. Лекин келажагингиз фақат ўз қўлингизда. Бу йўлда барча ёшларимизни қўллаб-қувватлаб, орзу-интилишларида муваффақиятлар тилайман, – деди Шавкат Мирзиёев.
Хабарда айтилишига кўра, бугунги Ўзбекистон ёшларининг ютуқлари катта. Хусусан, ўтган ўқув йилида 55 нафар мактаб ўқувчилари математика, кимё, биология, физика ва информатика бўйича нуфузли халқаро олимпиадаларда 8 та олтин, 15 та кумуш, 32 та бронза медалларини қўлга киритган.
Шавкат Мирзиёев вручил награди молодежи
© Пресс-служба президента Узбекистана
Спорт соҳасида охирги 2 йилда ўзбекистонлик спортчилар халқаро мусобақаларда 900 тадан зиёд олтин, 550 дан ортиқ кумуш, 731 та бронза медалларини қўлга киритган.
"Келажак бунёдкори" медали ҳамда "Мард ўғлон" давлат мукофоти билан тақдирланганлар рўйхати.