ТОШКЕНТ, 21 июн — Sputnik. Биз сунъий интеллект ёрдамида яратилган фейкларга қарши курашишни ўрганишимиз керак, деди Бўстонлиқ туманида давлат органлари матбуот котиблари иштирокида бўлиб ўтаётган миллий конференцияда АОКА директори Асаджон Ходжаев.
Директор айтишига кўра, олдинги йилларда сунъий интеллект ноу-хау сифатида пайдо бўлган бўлса, энди бу кундалик фаолиятдаги муҳим асбобга айланди ва шу билан бирга унинг ёрдамида фейклар ҳам яратилаётганини айтиб ўтди.
“Эндиликда биз сунъий интеллект ёрдамида яратилган фейк ва дипфейклар, замонавий технологиялар билан қуролланган фирибгарликларлар билан курашишни ўрганишимиз, аҳолини медиасаводхонлигини оширишимиз зарур”, — деди Ходжаев сўзи давомида.
Агентлик директори, шунингдек, ахборот хизматлари фаолияти доимий жамоатчилик кузатувида эканини таъкидлаб, улар фақат ижтимоий тармоқларда ёритилган муаммолар билан ишламасдан, журналист сўровларига ҳам жавоб бериш ва бу жараёнга экспертларни жалб қилиш зарурлиги айтиб ўтилди.
Маълумот учун, 21-22 июнь кунлари Тошкент вилояти Бўстонлиқ туманида 130 тадан ортиқ давлат органлари ва ташкилотлари ахборот хизматлари раҳбарлари иштирокида “Ахборот хизматлари фаолияти: очиқлик, тезкорлик ва холислик бош мезон” мазмунида V анъанавий миллий конференция бўлиб ўтмоқда.
АОКА ташаббуси ва НКМК билан ҳамкорликда ўтказилаётган тадбир 27 июнь - Матбуот ва оммавий ахборот воситалари кунига бағишланган.
АОКА ташаббуси ва НКМК билан ҳамкорликда ўтказилаётган тадбир 27 июнь - Матбуот ва оммавий ахборот воситалари кунига бағишланган.
Давлат органлари матбуот котиблари иштирокида V Миллий конференция
© АОКА