ТОШКЕНТ, 17 апр — Sputnik. Душанбеда МДҲ давлатларининг ҳаво ҳужумидан мудофаа тизимининг Мувофиқлаштирувчи қўмитасининг 58-мажлиси бўлиб ўтди.
Унда Ҳамдўстликнинг ягона ҳаво ҳужумидан мудофаа тизимини такомиллаштириш масалаларини муҳокама қилинди.
Мажлисда сўзга чиққан МДҲ Ижроия қўмитаси Хавфсизлик бўйича ҳамкорлик департаменти директори Евгений Клемез илмий-техник ривожланиш даражаси ҳаво мудофаа тизимида замонавий кураш воситаларини ишлаб чиқиш зарурлиги ҳақида айтиб ўтди.
"Қўшинлар гуруҳларини қўллашнинг мавжуд шакллари ва ҳаракат усулларини ишлаб чиқиш бугунги кунда МДҲнинг ягона ҳаво ҳужумидан мудофаа тизими томонидан ҳал қилинадиган вазифалар рўйхатини кенгайтириш зарурлигини белгилайди. Бу эса учувчисиз самолётларга қарши кураш воситаларини ишлаб чиқишни ўз ичига олади. Гап нафақат ҳаво мудофааси ва электрон уруш тизимлари, балки дронлар ўртасидаги ҳаво жанглари сценарийлари ҳақида ҳам кетмоқда", - дейди Евгений Клемез.
Ўз навбатида Россия Мудофаа вазирлиги вакили МДҲда қўшма ҳудудий ҳаво мудофаа зоналари муваффақиятли яратилаётганини айтиб ўтди.
“Мамлакатларимиз қуролли кучларида МДҲ Бирлашган ҳаво мудофаа тизимини аэрокосмик мудофаа муаммоларини ҳал қилишга мослаштиришнинг асосий йўналишларини амалга ошириш давом этмоқда. Бирлашган ҳудудий ҳаво мудофаа тизимлари яратиш йўналишида биргаликда катта ишлар амалга оширилди”, — деди Россия Ҳаво-космик кучлари қўмондони ўринбосари Юрий Грехов.
Шунингдек, ҳаво мудофаа қўшинларининг биргаликда жанговар навбатчилик олиб бориш масаласи ҳам режа асосида ҳал қилинмоқда, деб қўшимча қилди Грехов.
Учрашувда ҳарбий-техник ҳамкорлик, жанговар ва оператив тайёргарлик бўйича тажриба алмашиш масалалари ҳам муҳокама қилинди.
17 апрель куни Душанбеда бўлиб ўтган Мувофиқлаштирувчи қўмита ишида Арманистон, Беларус, Қозоғистон, Қирғизистон, Россия, Тожикистон ва Ўзбекистон мудофаа вазирликлари делегациялари ҳамда МДҲ Ижроия қўмитаси вакиллари иштирок этди.
В Душанбе состоялось 58-е заседание Координационного Комитета по вопросам противовоздушной обороны СНГ