ТОШКEНТ, 9 апр – Sputnik. Оренбургда сирена чалинди, сув босиши мумкин бўлган ҳудудлардан аҳолини эвакуация қилиш бошланди, деб хабар бермоқда Оренбург маъмурияти телеграм-канали.
"Оренбургда соат 10:40 да сирена чалинди. Вилоят марказида фавқулодда ҳолат жорий қилинган. Шаҳардаги Урал дарёсидаги сув сатҳи хавфли даражага яқинлашмоқда ва ҳозирда. 08:00 да 897 см.. Сув тошқини эҳтимоли бўлган ҳудудлардан барча аҳоли зудлик билан эвакуация қилиниши керак”, — дейилади хабарда.
Потоп в Оренбуржской области
© Роскосмос
Эслатиб ўтамиз, жума куни Оренбург вилоятидаги Орск шаҳри яқинидаги тўғон ёрилиши оқибатида 6995 та турар-жойлар ва бинолар сув остида қолган, 2493 киши эвакуация қилинган эди.
Айни дамда Оренбург вилоятида жами 10,3 мингдан ортиқ турар-жой бинолари ва 12,8 мингдан ортиқ шахсий томорқалар сув остида қолган.
Сўнгги маълумотларига кўра, Орск яқинидаги Уралдаги сув сатҳи эрталабгача 956 дан 928 сантиметргача пасайган, Оренбургда эса 897 сантиметрга кўтарилган. Яқин кунларда Урал ва Самара дарёларида сув сатҳининг яна 5 см дан 40 см гача ошиши кутилмоқда.
Тарихий кузатувларга кўра, Оренбург вилоятида сўнгги бор бундай сов тошқини 1957 йилда содир бўлган экан. Ўшанда Урал дарёси сатҳи Орскдаги яқинида 988 сантиметрга кўтарилган.
Потоп в Оренбуржской области
© Роскосмос