ТОШКЕНТ, 6 апр — Sputnik. Россия Хавфсизлик кенгаши раиси ўринбосари Дмитрий Медведев ўзининг Телеграмдаги каналида “Крокус Сити Холл”даги терактнинг ҳақиқий ташкилотчилари нацистлар Украинаси расмий шахслари эканлигини маълум қилди.
“Аммо ёлланганларнинг телефонларидан эълон қилинган биринчи маълумотлар ташкилотчиларнинг миллатини аниқ кўрсатиб турибди. Бошқа кўплаб очиқ ва ҳозирча ёпиқ нарсалар каби. Булар нацист "Украина" расмий шахслари. Айнан уларнинг хунук миясида фронтдаги муваффақиятсизликларни терактлар билан қоплаш ғояси пайдо бўлган, бу ажабланарли эмас. Улар ёки қонуний, ёки бошқача тарзда жавоб беришлари керак. Бутун дунё бўйлаб террорчилар билан қандай муомала қилинса, шундай. Даъво муддатисиз”, - деб ёзган Медведев.
22 март куни Москва яқинидаги Красногорскдаги “Крокус сити холл” концерт залида теракт содир бўлди: ҳужумчилар бинодаги одамларга қарата автомат қуроллардан ўт очди ва томоша залини ёқиб юборди. Сўнгги маълумотларга кўра, 145 киши ҳалок бўлган.