ТОШКЕНТ, 24 мар — Sputnik. Якшанба куни Россияда Москва яқинидаги “Крокус Сити холл”даги терактда ҳалок бўлганлар учун умуммиллий мотам куни бошланди - бу мамлакатнинг замонавий тарихида ўттизинчи мотам куни ҳисобланади, дея хабар берди РИА Новости.
24 мартни мотам куни деб эълон қилиш қарорини бир кун аввал Россия президенти Владимир Путин махсус мурожаатида россияликларга эълон қилган эди.
У Москва вилоятида содир бўлган воқеани қонли, ваҳший террорчилик ҳаракати деб атади ва жиноятчилар, ташкилотчилар ва буюртмачилар адолатли ва муқаррар жазога тортилишига ваъда берди.
Россияда Мотам кунини эълон қилиш ҳуқуқига фақат президент эга. Шу куни давлат байроқлари туширилади ва маданият муассасаларига кўнгилочар тадбирларни бекор қилиш тавсия этилади. Телеканаллар реклама ва кўнгилочар дастурлардан воз кечмоқда.