Россия ҳарбийлари Соледар яқинида Украинанинг эшелон мудофаасини йўқ қилмоқда

ТОШКЕНТ, 26 фев — Sputnik. Жанубий кучлар гуруҳи таркибига кирувчи Шимолий флотнинг 200-алоҳида гвардия мотоўқотар бригадасининг моторли милтиқчилари Донбассдаги фронтнинг Артёмовск участкасидаги Соледар яқинида душманнинг эшелон мудофаасини йўқ қилиш стратегияси бўйича ҳаркатланмоқда. Бу ҳақда РИА Новости хабар берди.

Артёмовск йўналишидаги Соледар ҳудудида, жанговар алоқа чизиғи яқинида Россия ҳарбий хизматчилари турли хил мудофаа линияларида жойлашган душманга қарши ҳаракат қилишмоқда: 30 километргача бўлган масофада "Ураган" ва "Град", 10 километргача бўлган масофада танклар ва артиллерия, икки километргача бўлган масофада – гранатомёт билан пиёдалар.

“Душман чуқур эшелонли мудофаа ўтказаётганини инобатга олиб, биз шунга мос равишда биринчи эшелонда жанг қиляпмиз, бу ҳолатда эрталаб думшаннинг мағлубиятга учраётганини кузатдик. Позицияларида АГСдан (автоматик граната отиш мосламаси – таҳр.) фойдаланилди, йирик калибрли пулемёт ҳам ишга солинди, душман яширинишга уринганида, биз “Метис” танкка қарши ракета тизимидан фойдаландик ", – деди "Аргуна" чақирув белгили рота командири.

Унинг сўзларига кўра, бу тадбирларнинг барчаси доимий равишда ўзгариб турадиган вазиятни инобатга олган ҳолда кечаю кундуз амалга оширилмоқда. "Биз эстафета таёқчасини узатмоқдамиз, мос равишда бизнинг ҳамкасбларимиз – артиллериячилар ҳам иккинчи ва учинчи эшелонда жойлашган душманга зарба бермоқда... Шу ҳолда, биз ва артиллерия бўлинмалари ўртасидаги ўзаро алоқа ҳар куни амалга оширилмоқда", – қўшимча қилди жангчи.

Ўз навбатида, "Ураган" чақирув белгили артиллерия батареяси командири унинг бўлинмаси душманга, хусусан, "Нона-К" автоматидан ўқ узаётганини айтди.

"Биринчи навбатда, биз ўз баталёнимиз, пиёда аскарларимиз – "далалар маликаси"ни қўллаб-қувватлаймиз ва шунга кўра зарур бўлган барча вазифаларни бажармоқдамиз", – деб қўшимча қилди у.

Унинг ҳамкасби, "Скорпион" чақирув белгили танк взводининг командири, танкчилар турли масофаларда душманга қарши ҳаракат қилишини тушунтирди.

"Биз танкчилармиз, биз тўғридан-тўғри ўқ билан ҳам, ёпиқ ўқ отиш жойларидан ҳам ишлаймиз, душманларни йўқ қиламиз. Ҳар бири ўз вазифасини бажаради, пиёда аскарлар мос равишда душманни икки километргача йўқ қилади, биз тўғридан-тўғри ўт очиш жойига икки километр (душманга нисбатан – таҳр.) яқинлашамиз, биз ҳужум нуқтасидан етти километрдан тўққиз километргача ишлай оламиз”, — дея аниқлик киритди "Скорпион".

"Терек" чақирув белгили офицернинг сўзларига кўра, бўлинмасининг масъулияти Украина Қуролли Кучлари мудофаасининг узоқ эшелонларида, шахсий таркиб кутаётган ва тўпланган жойларда душманни йўқ қилишдир.

"Қоидага кўра, биз душманнинг иккинчи, учинчи эшелонини тўсиб қўямиз, бу ерда одатда шахсий таркибнинг айланиши, ўқ-дорилар билан таъминланиши, кутиш ҳудуди, концентрация ҳудуди, яъни деярли барча орқа ҳудудлар ... батальонга етишмаётган нарсаларни биз тўлдириб турамиз", — дея хулоса қилди “Терек”.

Аввалроқ Россия мудофаа вазири Сергей Шойгу Россия қўшинлари бутун фронт бўйлаб 2 минг километр узунликдаги узлуксиз мудофаа чизиғини яратгани, бунинг натижасида ёзда Украинанинг қарши ҳужумини тўхтатишга муваффақ бўлганини маълум қилган эди. Мазкур стратегия Владимир Путинга тегишли.

Зеленский ҳокимиятда қолиш учун йўқотишларни яширмоқда — депутат

26 Феврал, 14:21

Россия ҳарбийлари Соледар яқинида Украина кучларининг эшелон мудофаасини йўқ қилмоқда