ТОШКЕНТ, 9 фев — Sputnik. Украина Қуролли кучлари томонида Украинада жанг қилаётган Бен исмли немис ёлланма аскар “Bild” нашрига Россиянинг “чексиз армияси” ҳақида шикоят қилди.
“Руслар шунчаки чексиз миқдордаги техника ва чексиз сонли аскарга эга”, - деди у.
Ёлланма аскар Украина Қуролли кучларининг фронтдаги муваффақиятсизликларини Ғарб давлатлари Украинани қўллаб-қувватлаш бўйича қарор қабул қилишда жуда суст бўлганлиги билан изоҳлади.
Унинг фикрига кўра, ҳарбий ёрдамнинг етарли эмаслиги, Украина Қуролли кучларининг мувофиқлаштирилмаган ҳаракатлари ва Россия армиясининг кучи Украина қарши ҳужумининг тўлиқ барбод бўлишига олиб келди.
Россия мудофаа вазири Сергей Шойгунинг сўзларига кўра, биргина январь ойида Украина қўшинларининг йўқотишлари 23 минг кишидан ошган ва уч мингта қурол-яроғ, жумладан, немис "Leopard" танклари, Американинг "Bradley" пиёда жанговар машиналари, "Patriot" ва HIMARS ракеталари йўқ қилинган. Бундан ташқари, Россия армияси Украинадаги ҳарбий инфратузилма ва ҳарбий-саноат комплекси объектларига 127 марта юқори аниқликдаги зарбалар берди.